Speransa pa futuro ta nace den presente.

E Comite di Conmemoracion di Pasado di Sclavitud ta compromete na un Conmemoracion digno di e pasado di Sclavitud den henter Reino. Di Aruba pa Amsterdam y di Boneiro pa Groningen: e pasado di Sclavitud ta afecta nos tur. Nos ta conecta comunidadnan, duna espacio na varios bos y traha riba conscientisacion, recuperacion y un futuro comparti.

Tocante nos

E Comite di Conmemoracion di Pasado di Sclavitud

E Comite di Conmemoracion Pasado di Sclavitut, establece riba 6 januari 2025, ta trece representantenan hunto di henter Reino, incluyendo Boneiro, Corsou, Sint Maarten, Sint Eustatius y Saba. Representacion for di Aruba y Surnam ta actualmente den preparacion.
Como fundacion independiente e Comite ta opera sin influencia politico y ta ofrece un plataforma pa varios opinion y iniciativanan local. E Comite a keda establece despues di e disculpa di gobierno Hulandes pa pasado di sclavitud y asina ta subraya e necesidad di reconocemento y refleccion continuo.

Noticia

Keda informa tocante noticianan, sucesonan y storianan tocante e historia di sclavitud y e trabou di e Comite di Conmemoracion di Pasado di Sclavitud.

Agènda i notisia

  • Tayer di IA

    Nos lo organisa un tayer inspirativo di Inteligencia Artificial (IA) unda cu David van Delden ta siña bo con pa haci uzo di Inteligencia Artificial pa visualisa pasado.

  • Tayer di vlecht cabey

    Discubri e raiznan cultural profundo di vlechtmento di cabey den patrimonio Africano y den pasado di sclavitud den un tayer unico presenta pa Earleisha di Urban Roots. Pa medio di storia y demonstracion e ta explora e rol poderoso cu cabey a hunga den identidad y resistencia Africano. Alabes e ta siña participantenan e arte di vlecht.

  • Exposicion-NOS

    Como parti di Siman di Arte Corsou, nos ta invita publico pa experencia e poderoso exposicion NOS: Unda Pasado y Presente Topa. Pa medio di e uzo di Inteligencia Artificial, e exposicion lo trece bida historianan di prome cu sclavitud, e comersio di catibo transatlantico, e lucha pa libertad, y nos heroenan local.

  • Exposicion-NOS

    Como parti di Siman di Arte Corsou, nos ta invita publico pa experencia e poderoso exposicion NOS: Unda Pasado y Presente Topa. Pa medio di e uzo di Inteligencia Artificial, e exposicion lo trece bida historianan di prome cu sclavitud, e comersio di catibo transatlantico, e lucha pa libertad, y nos heroenan local.

Nos micion

Nos ta boga pa un conmemoracion conhunto y respetuoso di pasado di sclavitud den Reino y Surnam. 

Three generations of a family in vibrant, colorful Afro-Caribbean attire, proudly posing at a cultural commemoration. This image embodies the living legacy and resilience central to HC-SLV's work on slavery history.

  • Dedicando nos conocemento y energia na construi un miho sociedad.

    E Comite di Conmemoracion di Pasado di Sclavitud tin como meta pa fortalece y conecta conmemoracionnan dentro y entre regionnan, cu enfasis riba igualdad y provee ​​espacio pa dialogo intergeneracional. E retonan di awendia ta profundamente ancra den pasado. Ta p’esey nos ta uza nos conocemento y energia pa construi un miho comunidad.

  • E historia di e diferente partinan di Reino ta estrechamente liga, for di sclavitud colonial te na e asuntonan social di awendia. Na mes momento, cada region tin su propio historianan y manera di conmemora. E Comite ta reconoce e importancia di tanto experencianan comparti como esnan unico den cada region. Solamente dor di brasa tur dos nos por honra nos conexion y diversidad.

  • Nos ta hunga un rol central den promove dialogo tocante e historia di sclavitud y ta sostene proyectonan cu ta investiga e historia aki y conect’e cu asuntonan social actual. Hunto cu comunidad y organisacionnan local, e Comite di Conmemoracion di Pasado di Sclavitud ta traha riba iniciativanan cu ta tanto traspasa e islanan y tambe actividad specifico pa un isla. Den e aña venidero, un tema comun lo sirbi como un tema general y lo contribui na mas visibilidad, cohecion y coperacion den henter Reino.

Miembronan di directiva

  • Employee portrait. Envisions a future of equality and awareness through intergenerational dialogue, contributing to collective commemoration that transcends slavery's legacy.

    Presidente

    Astrid Elburg

  • Employee portrait. Advances awareness and equality, participating in intergenerational dialogue and collective commemoration for a future free from slavery's legacy.

    Tesorero, representante di Boneiro

    Nolly Oleana

  • Employee portrait. Drives awareness and equality, fostering intergenerational dialogue for collective commemoration and a future that confronts slavery's legacy.

    Saba

    Dimetri Whitfield

  • Employee portrait: a passionate advocate for awareness and equality. Drives intergenerational dialogue and collective commemoration towards a hopeful future, confronting slavery's legacy.

    Sint Maarten

    Clara Reyes

  • Miembro di directiva, Representante di Aruba

    Gregory Richardson

E organisacion di trabou

  • Employee portrait. Advocates for equality and raises awareness, remembering slavery's history to build a future based on collective commemoration.

    Director interino Luga di trabou Den Haag

    Erik den Hoedt

  • Portrait of an employee supporting awareness, equality, and collective commemoration. Dedicated to building a future beyond slavery's legacy.

    Director parti Caribense di Reino – staciona na Corsou

    Lucia Beck

Nos Historia, Nos Forsa: Un historia re-imagina.

  • Africa prome cu comercio di catibo

  • Comercio di catibo Transatlantico

  • Thico na Aruba

  • Martis di Katalina Janga na Boneiro

  • Tula na Corsou

  • Boni, Baron y Joli Coeur na Surnam

  • One Tété Lohkay na Sint Maarten

  • Huida di personanan sclavisa for di Saba

  • Rebelion di catibo na Sint Eustatius

  • Emancipacion

  • Disculpa di Hulanda

Preguntanan mas frecuente y contesta

Aki bo ta haña e contestanan riba preguntanan frecuente tocante di pasado di sclavitud y e trabou di e Comite di Conmemoracion di Pasado di Sclavitud.

Riba 6 januari a pasa e statutonan na notario. Esaki ta nifica cu e Fundacion Comite di Conmemoracion di Pasado di Sclavitud ta exsisti oficialmente for di 6 januari 2025.

E fundacion tin un organisacion di trabou cu ta sostene e Comite. E organisacion di trabou aki tin empleado na tanto Hulanda como e parti Caribense di Reino. Na Corsou a habri un oficina na Otrobanda riba 25 mei 2025 y despues di 1 di juli lo habri un oficina na Sint Eustatius tambe. For di e dos oficinanan aki ta sirbi e parti Caribense di Reino. 

i. organisa Conmemoracion Nacional di pasado di sclavitud, cu atencion pa nificacion di conmemoracion, e inclusion di tur comunidad envolvi (incluso Afro-Surnameo, Afro-Caribense, Marron y indigeno) y e coneccion cu e comunidad den Reino Hulandes den su totalidad;
ii. pa facilita y sostene (mas) desaroyo di e otro conmemoracionnan y celebracionnan cu ta di importancia pa conmemora pasado di sclavitud den Reino Hulandes y, si Surnam ta desea esaki, Surnam;
iii. pa investiga, den consulta cu e comunidadnan envolvi den e tema di pasado di sclavitud, con pasado di sclavitud por forma parti di e Conmemoracion Nacional di pasado di sclavitud pa loke ta trata e comunidadnan ey, geograficamente of tematicamente;
iv. explora, hunto cu e comunidadnan envolvi den e pasado di sclavitud, e posibel ampliacion di e alcance di e Conmemoracion Nacional pa loke ta trata pasado di sclavitud;
v. explora, hunto cu partnernan social, e posibilidad pa tin un dia di fiesta nacional den Reino riba e fecha di 1 di juli relaciona cu pasado di sclavitud;
vi. aumenta e conscientisacion social tocante e pasado di sclavitud y e impacto den presente den Reino Hulandes;
vii. stimula investigacion di pasado di sclavitud y tur loke ta relaciona cu e ariba menciona of cu por ta condusivo na esaki, tur den e sentido mas amplio di e palabra;
viii. e fundacion no tin como meta pa haci ganashi cu e totalidad di su actividadnan cu ta dirigi riba realisa of promove su obhetivo. E tin como meta pa ta un instancia cultural cu interes general.

E fundacion ta den contacto estrecho cu algun instancia existente na tanto e parti Caribense di Reino como na Hulanda. E Comite ta habri pa contacto y eventualmente colaboracion cu otro instansianan.

E minister di Asuntonan Interior y Relacionnan den Reino (BZK) a scohe pa funda e Comite di Conmemoracion Pasado di Sclavitud cu e mandato asocia. NiNsee por nomina un miembro di e Comite.

E minister di BZK a haci e Comite di Conmemoracion Pasado di Sclavitud responsabel pa e Conmemoracion Nacional di Pasado di Sclavitud. NiNsee ta organisa e conmemoracion aki for di comienso di e siglo aki. Pa garantisa un bon traspaso e minister di BZK a dicidi cu NiNsee ta sigui organisa e conmemoracion nacional na 2025, 2026 y 2027, bou di guia y responsabilidad di e Comite di Conmemoracion. Pues, pa esaki e Comite y NiNsee ta traha hunto di forma intensivo den e añanan venidero. Pafo di e Conmemoracion Nacional tambe NiNsee y e Comite lo traha hunto di forma estrecho, paso ambos instancia ta enfoca riba e mesun pasado y efecto di esaki. Pues, ambos instancia ta beneficia di un bon colaboracion. Den e añanan venidero NiNsee lo sigui desaroya pa un institucion di conocemento.

For di su establecimento e Comite di Conmemoracion Pasado di Sclavitud a hunga un rol importante den conmemoracion di pasado di sclavitud den henter Reino. Entre otro e Comite lo bai coordina, organisa y facilita conmemoracionnan. Den e cuadro aki e Comite lo kier drenta den contacto caminda esaki ta necesario cu e diferente gobiernonan den Reino. Esaki tambe ta conta pa otro organisacionnan cu ta hunga un rol den atende y conmemora pasado di sclavitud.

E combersacion cu Surnam ta den full swing. E fundacion ta warda pa yama un miembro di Surnam bonbini cu lo tuma asiento den e Comite di Conmemoracion Pasado di Sclavitud. Si y ki dia esaki lo sosode no ta conoci ainda.

E Comite ta traha un profiel pa e grandura y constelacion di e Comite, teniendo cuenta cu e fundacion, kico e ta para p’e, su actividadnan y e experticio y background desea di e miembronan. Despues e diferente gobiernonan ta nomina miembro y e Comite ta nombra e miembronan a base di un nominacion obligatorio dor di un comicion di conseho di por lo menos dos persona.

E miembronan a keda nomina a base di nan experticio administrativo y nan conocemento. Nan area di experticio, specialismo y experencia ta varia. Generalmente, e miembronan di e comicion, ademas di representacion geografico, tambe tin conocemento colectivo di historia di sclavitud, cultura di recuerdo, historia colonial, educacion, comunicacion, finansa y cultura y tur idioma reconoce den Reino Hulandes y Surnam ta representa dentro di e comicion.

E Comite tin intencion di mantene contacto constante y intensivo cu e generacionnan mas jong, cu atencion special pa esnan cu ta activamente envolvi cu e tema di pasado di sclavitud. Lo envolvi e generacionnan aki activamente den e actividadnan y trabounan di e Comite. Mester caba di formula con precies esaki lo sosode.

E gobiernonan ta nomina e miembronan, pero e miembronan no tin obligacion di responsabilisacion na e gobiernonan aki. Nan ta opera legalmente sin mandato of consulta y ta spera di actua na interes di e Comite y e asignacion den su totalidad.

E Comite mester reuni por lo menos 4 biaha pa aña, di cua por lo menos 1 biaha fisicamente. E Comite mes ta dicidi tocante di e frecuencia. E espectativa ta cu e Comite, sigur den comienso, lo reuni mas cu 4 biaha pa aña.

E Team di Programa ta cay bou di e ministerio di Asuntonan Interior y e Comite ta completamente independiente, sin ningun direccion politico.

No, e Comite no tin un obligacion di responsabilisacion na e minister. Si ta asina cu e minister ta nombra un consehero oficial. E consehero aki por asisti na e reunionnan di e Comite y tambe por duna conseho. E consehero a keda nombra pa yuda e Comite den su relacion cu entre otro gobierno central y politica.

Tuma contacto cu nos

Bo kier mas informacion tocante di e Comite di Conmemoracion di Pasado di Sclavitud, nos micion of con bo por pidi sosten financiero? Tuma contacto cu nos. Pa pregunta tocante di e parti Caribense di Reino of di Hulanda, por tuma contacto cu nos via e siguiente canalnan: 

Adrès

Parti Caribense di Reino
Bèlvedèrestraat 43-45,
Otrobanda, Corsou

Hulanda
Zeestraat 85
2518 AA, Den Haag

Email

Pa cualkier pregunta of peticion por fabor tuma contacto cu nos via email dor di click e button aki.

Telefòn

Corsou
+5999 465 1106

Yama nos

Laga nos ta bon antepasado
pa futuro generacionnan.