Financiamento pa proyectonan

Aplica pa sosten financiero pa bo proyecto

Bo ta trahando riba un proyecto cu ta contribui na conmemoracion y conscientisacion di e pasado di sclavitud? Comite di Conmemoracion Pasado di Sclavitud ta contento di sostene iniciativanan cu ta comparti historianan, ta conecta y ta tene recuerdonan bibo.

Pa wak si bo proyecto ta eligibel, cuminsa cu un lista di control cortico. Si bo iniciativa ta cumpli cu e rekisitonan, bo por download, yena y entrega e formulario di aplicacion mesora.

Puntonan di guia pa sosten financiero

Wak den e formulario aki bou pa tur e puntonan di guia, incluso un checklist cortico y con pa haci un peticion pa sosten financiero pa bo proyecto.

Entregá e formulario di aplicacion

Di e manera aki, nos ta crea espacio hunto pa proyectonan valioso cu ta conmemora e historia di sclavitud y enrikece futuro.

Preguntanan general

Haci historia visibel, pas’e pa otro.
Areglo pa un contribucion financiero di e Comite di Conmemoracion Pasado di Sclavitud.

Si, tin varios areglo relaciona cu pasado di sclavitud Hulandes, manera e areglo di gobierno di Reino pa cual a aparta 200 miyon euro y e areglo for di e espacio liber di e Comite di Conmemoracion Pasado di Sclavitud. Nan ta dos diferente arreglo.

E pasado di sclavitud ainda ta laga marcanan hopi profundo den e sociedad di awendia. Pa e motibo ey, e minister di Asuntonan Interno y Relacionnan den Reino a dicidi pa pone e areglonan di subsidio disponibel pa Iniciativanan Social di pasado di sclavitud transatlantico pa Hulanda Europeo (SUMS-NL). Cu e areglo aki, ta inverti un total di 200 miyon euro den iniciativanan cu ta contribui na conscientisacion, procesamento, conmemoracion y reconocemento di e pasado di sclavitud.

E Comite di Conmemoracion Pasado di Sclavitud a wordo estableci como resultado di e rapport Cadenanan di Pasado di e Grupo di Dialogo Pasado di Sclavitud. E establecimento di e comite ta parti di e asina yama ‘proceso despues di e comma’ cu a inicia despues di e disculpanan di e Gobierno Hulandes (2022) pa su rol den e pasado di sclavitud. E Comite di Conmemoracion Pasado di Sclavitud ta haña un subsidio anual di 8 miyon euro. For di e espacio liber den e presupuesto, ta pone cen disponibel pa iniciativanan for di e comunidad cu ta contribui na conscientisacion, conmemoracion, celebracion y investigacion relaciona cu pasado di sclavitud.

E Comite di Conmemoracion Pasado di Sclavitud ta ocupa su mes, den henter Reino hulandes, cu e siguiente temanan:

E conscientisacion tocante di e rol di Hulanda den e sclavitud transatlantico y e efectonan di esaki den e precente;
E conmemoracion di e pasado di sclavitud Hulandes den henter Reino Hulandes.
E celebracion den henter Reino Hulandes di abolicion di sclavitud den Reino Hulandes;
Investigacion riba e pasado di sclavitud Hulandes y su efectonan den e precente.

E Comite di Conmemoracion Pasado di Sclavitud ta pone medionan financiero disponibel pa duna sosten na organisacionnan y iniciativanan den henter Reino, cu ta desaroya proyecto y programa relaciona cu pasado di sclavitud Hulandes. Nos ta duna espacio na iniciativanan cu ta contribui na conmemora, conecta y conscientisacion, cu atencion special e aña aki pa intercambio intergeneracional.

Cu e sosten financiero cu ta na caminda, e Comite kier duna mas organisacion oportunidad pa conta nan historia y fortifica nan comunidad. Si ta trata di un proyecto chikito den bario, un programa educativo na scol of un evento di conmemoracion grandi pa e region: cu placer nos ta invita organisacionnan pa entrega nan plan.

Bo por pidi sosten pa proyectonan cu ta cuadra cu e metanan y temanan di e Comite di Conmemoracion Pasado di Sclavitud

Pa haci un peticion, bo mester cumpli cu e siguiente condicionnan:

Parti Caribense di Reino

Eenmanszaak

Bo ta activo den e sector cultural.
Bo actividadnan ta cuadra cu e metanan y temanan di e Comite di Conmemoracion Pasado di Sclavitud.
Bo ta pidi un maximo di USD 5.000,-
Bo ta estableci na Aruba, Boneiro, Corsou, Saba, Sint Eustatius of Sint Maarten.
Bo actividadnan ta tuma luga den e parti Caribense di Reino.
Bo no tin niun proyecto actual cu ta financia pa Comite di Conmemoracion.
Bo a haya menos cu tres proyecto financia pa e Comite di Conmemoracion e aña aki

Entidadnan legal (Rechtspersonen)

Bo ta un organisacion (entidad legal) sin meta di haci ganashi.
Bo actividadnan ta cuadra cu e metanan y temanan di e Comite di Conmemoracion Pasado di Sclavitud.
Bo ta pidi un maximo di USD 50.000,- Pasado di sclavitud
Bo ta estableci na Aruba, Boneiro, Corsou, Saba, Sint Eustatius of Sint Maarten.
Bo actividadnan ta tuma luga den e parti Caribense di Reino.
Bo no tin niun proyecto actual cu ta financia pa e Comite.
Bo a haya menos cu tres proyecto financia pa e Comite di Conmemoracion e aña aki

Hulanda Europeo

Eenmanszaak

Bo ta activo den e sector cultural.
Bo actividadnan ta cuadra cu e metanan y temanan di e Comite di Conmemoracion Pasado di Sclavitud.
Bo ta pidi un maximo di € 5.000,- Pasado di sclavitud
Bo ta estableci na Hulanda Europeo;
Bo actividadnan ta tuma luga den Hulanda Europeo;
Bo no tin niun proyecto actual cu ta financia pa e Comite.
Bo a haya menos cu tres proyecto financia pa e Comite di Conmemoracion e aña aki

Entidadnan legal (Rechtspersonen)

Bo ta un organisacion (entidad legal) sin meta di haci ganashi.
Bo actividadnan ta cuadra cu e metanan y temanan di e Comite di Conmemoracion Pasado di Sclavitud.
Bo ta pidi un maximo di € 50.000,- Pasado di sclavitud
Bo ta estableci na Hulanda Europeo;
Bo actividadnan ta tuma luga den Hulanda Europeo;
Bo no tin niun proyecto actual cu ta financia pa e Comite.
Bo a haya menos cu tres proyecto financia pa e Comite di Conmemoracion e aña aki

Si bo no ta cumpli cu un di e criterionan aki, lamentablemente bo no ta elegibel pa un contribucion di e Comite di Conmemoracion Pasado di Sclavitud.

E espacio liber di e Comite di Conmemoracion Pasado di Sclavitud ta varia cada aña. Den 2025 ta € 1,2 miyon euro.

Bo por pidi un contribucion pa un maximo di USD50.000. Tin tres categoria, a base di e montante di e contribucion. Pa cada categoria por haci peticion pa otro tipo di proyecto.

Categorianan :

Te € 5.000,-:
- E peticionario ta entidad legal sin meta di haci ganashi of un negoshi di un solo persona (eenmanszaak) den e sector cultural.
- E proyecto ta chikito cu un presupuesto total maximo di USD 20.000,-
€5.000,- te €25.000,-
- E peticionario ta un entidad legal sin meta di haci ganashi.
- Y/of e proyecto tin un alcance local (den un bario of stad na Hulanda Europeo)
€ 25.001 te € 50.000

E peticionario ta un entidad legal sin meta di haci ganashi.
E proyecto ta ser realisa pa dos of mas organisacion cu ta traha hunto (sin meta di haci ganashi).
Y/of e proyecto tin un alcance regional (area di ciudad, provincia, nacional, riba henter e isla, mas cu un isla)

Periodo di tempo??

Peticion pa sosten pa e parti Caribense di Reino mester ta entrega na dollar mericano y tambe ta paga esaki na dollar mericano.
Peticion pa sosten pa e parti Europeo di Reino mester ta entrega na Euro y tambe ta paga esaki na Euro.

Si bo organisacion tin obligacion pa paga BTW, bo mester entrega un presupuesto sin BTW. Si bo organisacion no tin obligacion pa paga BTW, bo mester entrega un presupuesto cu BTW. Menciona semper den bo presupuesto si e ta inclui of exclui BTW y si bo tin obligacion pa paga BTW.

Bo por pidi un contribucion pa un maximo di USD50.000.

Nos kier yuda mas tanto iniciativa posibel. Bo por solamente haci un peticion cada biaha.

Bo por entrega un peticion den ingles, hulandes, papiamento y papiamentu. E formulario di peticion ta disponibel den tur e idiomanan aki.

Ta trata di un sosten di un solo biaha pa e actividadnan menciona den e peticion.

Bo por inclui gastonan cu ta directamente relaciona cu bo actividad. Ehempel: huur di escenario, compensacion pa artista, zonido, promocion, catering, permit, compensacion pa voluntario. maximo 10% di e presupuesto por ta gasto di operacion/gasto di ‘overhead’. Bo mester splica dicon e gastonan aki ta relaciona cu e proyecto.

Un proyecto cu ta yega un bario of un ciudad, pa e hendenan cu ta biba den e bario, e ciudad of un parti di e ciudad.

Peticion y evaluacion

E formulario di peticion ta publica como PDF riba e website di Comite di Conmemoracion.

Bo ta manda e formulario yena completamente y firma hunto cu e anexonan pidi na
Parti Caribense di Reino: info.carib@hc-slv.org
Hulanda Europeo: info.nl@hc-slv.org

Bo mester entrega e peticion prome cu 31 di october 2025.

Bo ta haña un confirmacion despues cu bo a entrega bo peticion. Lo bo ricibi un contesta prome cu 30 di november 2025, cu sea:

un aprobacion (nos ta bai duna bo sosten financiero);
un peticion pa informacion adicional (nos kier sa mas prome cu nos aproba of rechasa bo peticion);
un rechazo cu splicacion (nos no ta bai duna bo sosten financiero).

Bo ta manda e siguiente documentonan na nos.

Un formulario di peticion yena completo y firma ¹
Un plan di proyecto substancial
Un resumen di e gastonan cu mester haci (presupuesto)
Un anexo na e presupuesto, caminda bo ta duna splicacion tocante e diferente postnan;
E statutonan di bo organisacion;
Un extracto di Camara di Comercio (KvK) y
Un prueba cu e number di cuenta ta na nomber di e organisacion cu ta haci e peticion, por ehempel un statement di banco of un potret di tarheta di banco

Pa un peticion mas halto cu € 25.000,-:

Tur documentonan menciona.
un relato substancial y un relato financiero di un proyecto anterior of un relato anual substancial y financiero di e aña mas recien di e peticionario principal.

¹ Atencion: e formulario mester ta firma pa un persona cu tin e autorisacion. Ken e persona aki ta, ta stipula den bo statutonan of den bo extracto di Camara di Comercio. Si e firmante tin autoridad conhunto, e peticion mester ta firma pa por lo menos dos persona cu tin autoridad.

Lo bo ricibi un pago adelanta ora bo proyecto cuminsa. Pa esaki, bo ta entrega un peticion na nos cu bo presupuesto definitivo. Cuantificacion di e pago adelanta ta depende di e montante cu a pidi:

Pa un peticion te USD 10.000,-: bo ta ricibi e suma completo na comienso di e proyecto;
Pa un peticion mas halto cu € 10.000,-: bo ta ricibi un pago adelanta di 75%. Bo ta haya e resto di e suma aproba na mitar di bo proyecto.

Bo peticion lo wordo evalua segun e siguiente criterionan:

Experencia di e organisacion cu e tema di pasado di sclavitud;
Experencia di e organisacion cu e grupo di enfoke describi;
Relevancia di e proyecto pa cu e contenido di e areglo;
Impacto di e proyecto riba descendientenan di esnan cu a wordo sclavisa.
Calidad artistico y/of di contenido di e proyecto;
Calidad di e team;
Factibilidad financiero;
Envolvimento di descendientenan di esnan cu a wordo sclavisa den ehecucion di e proyecto;
Sostenibilidad y garantia di e resultado di e proyecto.

prome, e asistentenan di peticion ta haci un pre-check. Despues un comision di empleado di maneho di e Comite di Conmemoracion ta evalua. Pa montante mas halto cu € 10.000, un di dos empleado tambe ta lesa. E DB (directiva diario) ta tuma e desicion final.

Un resumen di e gastonan cu mester haci* ta contene tur e gastonan cu bo ta verwacht pa haci, calcula realisticamente a base di:

Un oferta;
Un proyecto anterior cu bo a haci;
Un tarifa pa ora/dia multiplica pa e cantidad di ora of dia cu bo ta contrata e persona of servicio.

Bo presupuesto por contene un maximo di 10% di gastonan di operacion, cu ta relaciona cu e actividadnan di e proyecto. E gastonan aki mester wordo splica debidamente.

Gasto di ‘overhead’ relaciona cu proyecto, por ehempel administracion of coordinacion, basta cu nan ta bon funda. No ta tur cos ta permiti: lo exclui gastonan cu no por proba di ta liga directamente cu e actividad

E 10% ta den e montante cu a pidi. Bo por reserva un maximo di 10% di e montante cu bo a pidi pa maneho di negoshi.

Nos ta solamente duna sosten na peticion di organisacion sin meta di haci ganashi.

Tur hende por entrega un peticion? Nos ta desea di sa cuanto experiencia e peticionario tin cu e tema di pasado di sclavitud of cu e grupo di enfoke cu nan kier sirbi cu nan proyecto.

Actividadnan

E areglo aki ta destina pa un amplio sortido di actividad cu tin relacion cu e pasado di sclavitud y su efectonan. Bou di esaki por considera pa ehempel actividadnan manera (pero no limita na)

Conmemoracion y celebracion di dianan di conmemoracion importante diferente for di 1 di juli.
Programa di conscientisacion pa y cu grupo di enfoke
Proyecto di investigacion cu ta duna lus riba historia di sclavitud di Hulanda y/of su efectonan.
Actividad cultural y artistico cu ta haci historia y herencia visibel.
Proyecto cu ta colecta y transmiti cuenta y conocemento di e generacion mayo na hubentud.

Mester realisa e actividadnan den e periodo cu ta indica den e peticion. Bo proyecto mester ta cla pa 31 di december 2026. Pa proyecto mas grandi por desvia di esaki. Pa mas laat seis (6) siman despues cu e periodo a caba, e rapport final mester ta entrega.

Responsabilisacion y progreso

Pa mas laat seis (6) siman despues cu e actividad a caba, mester entrega un rapport final cu potret y un rapport financiero.

Pa e proyecto te 5.000 mester manda bon y recibo.
Pa cantidad mas halto, nos ta spera ademas di e bonnan un resumen financiero completo.

Contenido di e rapport final:

rapport final substancial (2–4 pagina)
Minimal 3 potret + 1 video cortico
rapport financiero incl. bon/prueba

Bo por semper tuma contacto cu nos si bo tin cualkier pregunta. E miho ta pa bo manda un mail.

Hulanda Europeo: info.nl@hc-slv.org
Parti Caribense di Reino: info.carib@hc-slv.org

Otro preguntanan

Den bo rapport final, bo ta splica kico bo plan tabata di haci y kico bo a haci precies. Si tin un diferencia, splica dicon. Bo ta conta tambe kico e participantenan a bisa tocante bo actividad y con nan a experiensa esaki.

Pues ta importante pa bo pensa adelanta riba e manera con bo kier evalua bo proyecto cu bo participantenan.

Bo mester realisa bo actividadnan den mesun parti caminda bo ta estableci. Pues: estableci den parti Caribense → actividadnan ta realisa den parti Caribense; estableci den parti Europeo → actividadnan ta realisa den parti Europeo. Sino, bo no ta eligibel pa financiamiento pa e Comite di Conmemoracion.