Speransa pa futuro ta nanse den presente.

E Komité di Konmemorashon di Pasado di Sklabitut ta komprometé na un konmemorashon digno di e pasado di sklabitut den henter Reino. Di Aruba te Amsterdam i di Boneiru te Groningen: e pasado di sklabitut ta afektá nos tur. Nos ta konektá komunidatnan, duna espasio na vários bos i traha riba konsientisashon, rekuperashon i un futuro kompartí.

Tokante nos

E Komité di Konmemorashon di Pasado di Sklabitut

E Komité di Konmemorashon Pasado di Sklabitut, establesé riba 6 di yanüari 2025, ta trese representantenan huntu di hinter Reino, inkluyendo Boneiru, Kòrsou, Sint Maarten, Sint Eustatius i Saba. Representashon for di Aruba i Sürnam ta aktualmente den preparashon.
Komo fundashon independiente e Komité ta operá sin influensia polítiko i ta ofresé un plataforma pa vários opinion i inisiativanan lokal. E Komité a keda establesé despues di e diskulpa di gobièrnu Hulandes pa pasado di sklabitut i asina ta suprayá e nesesidat di rekonosementu i reflekshon kontinuo.

Notisia

Keda informá tokante notisia, susesonan i storianan tokante e historia di sklabitut i e trabou di e Komité di Konmemorashon di Pasado di Sklabitut.

Agènda i Notisia

Nos mishon

Nos ta boga pa un konmemorashon konhunto i respetuoso di pasado di sklabitut den Reino i Sürnam. 

Three generations of a family in vibrant, colorful Afro-Caribbean attire, proudly posing at a cultural commemoration. This image embodies the living legacy and resilience central to HC-SLV's work on slavery history.

  • Dedikando nos konosementu i energia na konstruí un mihó sosiedat.

    E Komité di Konmemorashon di Pasado di Sklabitut tin komo meta pa fortalesé i konektá konmemorashonnan denter i entre regionnan, ku énfasis riba igualdat i proveé ​​espasio pa diálogo intergenerashonal. E retonan di awendia ta profundamente ankrá den pasado. Ta p’esei nos ta usa nos konosementu i energia pa konstruí un mihó komunidat.

  • E historia di e diferente partinan di Reino ta estrechamente ligá, for di sklabitut kolonial te na e asuntunan sosial di awendia. Na mes momento, kada region tin su propio historianan i manera di konmemorá. E Komité ta rekonosé e importansia di tantu eksperensianan kompartí komo esnan úniko den kada region. Solamente dor di brasa tur dos nos por honra nos konekshon i diversidat.

  • Nos ta hunga un ròl sentral den promové diálogo tokante e historia di sklabitut i ta sostené proyektonan ku ta investigá e historia aki i konekt’é ku asuntunan sosial aktual. Huntu ku komunidat i organisashonnan lokal, e Komité di Konmemorashon di Pasado di Sklabitut ta traha riba inisiativanan ku ta tantu traspasá e islanan i tambe aktividat spesífiko pa un isla. Den e aña benidero, un tema komun lo sirbi komo un tema general i lo kontribuí na mas visibilidat, koheshon i koperashon den henter Reino.

Miembronan di direktiva

  • Employee portrait. Envisions a future of equality and awareness through intergenerational dialogue, contributing to collective commemoration that transcends slavery's legacy.

    Presidente

    Astrid Elburg

  • Employee portrait. Advances awareness and equality, participating in intergenerational dialogue and collective commemoration for a future free from slavery's legacy.

    Tesorero, representante di Boneiru

    Nolly Oleana

  • Employee portrait. Drives awareness and equality, fostering intergenerational dialogue for collective commemoration and a future that confronts slavery's legacy.

    Saba

    Dimetri Whitfield

  • Employee portrait: a passionate advocate for awareness and equality. Drives intergenerational dialogue and collective commemoration towards a hopeful future, confronting slavery's legacy.

    Sint Maarten

    Clara Reyes

  • Miembro di direktiva, Representante di Aruba

    Gregory Richardson

  • Representante di NiNsee

    Wendeline Flores

E organisashon di trabou

  • Portrait of an employee supporting awareness, equality, and collective commemoration. Dedicated to building a future beyond slavery's legacy.

    Direktor parti Karibense di Reino – stashoná na Kòrsou

    Lucia Beck

  • Direktor

    Paulo Martina

Nos Historia, Nos Forsa: Un historia re-imaginá.

  • Afrika promé ku komèrsio di katibu

  • Komèrsio di katibu Transatlántiko

  • Thico na Aruba

  • Martis di Katalina Janga na Boneiru

  • Tula na Kòrsou

  • Boni, Baron i Joli Coeur na Sürnam

  • One Tété Lohkay na Sint Maarten

  • Personanan sklabisá ta hui for di Saba

  • Rebelion di katibu na Sint Eustatius

  • Emansipashon

  • Diskulpa di Hulanda

Preguntanan mas frekuente i kontesta

Aki bo ta haña e kontesta riba preguntanan frekuente tokante di pasado di sklabitut i e trabou di e Komité di Konmemorashon di Pasado di Sklabitut.

Riba 6 di yanüari a pasa e statutonan na notario. Esaki ta nifiká ku e Fundashon Komité di Konmemorashon di Pasado di Sklabitut ta eksistí ofisialmente for di 6 di yanüari 2025.

E fundashon tin un organisashon di trabou ku ta sostené e komité. E organisashon di trabou aki tin empleado na tantu Hulanda komo e parti Karibense di Reino. Na Kòrsou a habri un ofisina na Otrobanda riba 25 di mei 2025 i despues di 1 di yüli lo habri un ofisina na Sint Eustatius tambe. For di e dos ofisinanan aki ta sirbi parti Karibense di Reino.

i. organisá Konmemorashon Nashonal di pasado di sklabitut, ku atenshon na e nifikashon di konmemorashon, e inklushon di tur komunidat enbolbí (inkluso Afro-Sürnameo, Afro-Karibense, Marron i indígeno) i e konekshon ku e komunidat den Reino Hulandes den su totalidat;
ii. pa fasilitá i sostené (mas) desaroyo di e otro konmemorashon- i selebrashonnan ku ta di importansia pa konmemorá pasado di sklabitut den Reino Hulandes i, si Sürnam ta deseá esaki, Sürnam;
iii. pa investigá, den konsulta ku e komunidatnan enbolbí den e tema di pasado di sklabitut, kon pasado di sklabitut por forma parti di e Konmemorashon Nashonal di pasado di sklabitut pa loke ta trata e komunidatnan ei, geográfikamente òf temátikamente;
iv. eksplorá, huntu ku e komunidatnan enbolbí den e pasado di sklabitut, e posibel ampliashon di e alkanse di e Konmemorashon Nashonal pa loke ta trata pasado di sklabitut;
v. eksplorá, huntu ku partnernan sosial, e posibilidat pa tin un dia di fiesta nashonal den Reino riba e fecha di 1 di yüli relashoná ku pasado di sklabitut;
vi. oumentá e konsientisashon sosial tokante di e pasado di sklabitut i e impakto den presente den Reino Hulandes;
vii. stimulá investigashon di pasado di sklabitut i tur loke ta relashoná ku e ariba menshoná òf ku por ta kondusivo na esaki, tur den e sentido mas amplio di e palabra;
viii. e fundashon no tin komo meta pa hasi ganashi ku e totalidat di su aktividatnan ku ta dirigí riba realisá òf promové su ophetivo. E tin komo meta pa ta un instansia kultural ku interes general.

E fundashon ta den kontakto estrecho ku algun instansia eksistente na tantu e parti Karibense di Reino komo na Hulanda. E komité ta habrí pa kontakto i eventualmente kolaborashon ku otro instansianan.

E minister di Asuntunan Interior i Relashonnan den Reino (BZK) a skohe pa funda e Komité di Konmemorashon Pasado di Sklabitut ku e mandato asosiá. NiNsee por nominá un miembro di e komité.

E minister di BZK a hasi e Komité di Konmemorashon Pasado di Sklabitut responsabel pa e Konmemorashon Nashonal di Pasado di Sklabitut. NiNsee ta organisá e konmemorashon aki for di komienso di e siglo aki. Pa garantisá un bon traspaso e minister di BZK a disidí ku NiNsee ta sigui organisá e konmemorashon nashonal na 2025, 2026 i 2027, bou di guia i responsabilidat di e Komité di Konmemorashon. Pues, pa esaki e komité i NiNsee ta traha huntu di forma intensivo den e añanan benidero. Pafó di e Konmemorashon Nashonal tambe NiNsee i e komité lo traha huntu di forma estrecho, paso ámbos instansia ta enfoká riba e mesun pasado i efekto di esaki. Pues, ámbos instansia ta benefisiá di un bon kolaborashon. Den e añanan benidero NiNsee lo sigui desaroyá pa un institushon di konosementu.

For di su establesimentu e Komité i Konmemorashon Pasado di Sklabitut a hunga un papel importante den konmemorashon di pasado di sklabitut den hinter Reino. Entre otro e komité lo bai kordiná, organisá i fasilitá konmemorashonnan. Den e kuadro aki e komité lo ke drenta den kontakto kaminda esaki ta nesesario ku e diferente gobièrnunan den Reino. Esaki tambe ta konta pa otro organisashonnan ku ta hunga un ròl den atendé i konmemorá pasado di sklabitut.

E kombersashon ku Sürnam ta den full swing. E fundashon ta warda pa yama un miembro di Sürnam bon biní ku lo tuma asiento den e Komité di Konmemorashon Pasado di Sklabitut. Si i ki dia esaki lo sosodé no ta konosí ainda.

E komité ta traha un perfil pa e grandura i konstelashon di e komité, teniendo kuenta ku e fundashon, kiko e ta para p’e, su aktividatnan i e ekspertisio i background deseá di e miembronan. Despues e diferente gobièrnunan ta nominá miembro i e komité ta nombra e miembronan a base di un nominashon obligatorio dor di un komishon di konseho di por lo ménos dos persona.

E miembronan a keda nominá a base di nan ekspertisio atministrativo i nan konosementu. Nan área di ekspertisio, spesialismo i eksperensia ta varia. En general, e miembronan di e komité, ademas di representashon geográfiko, tambe tin konosementu kolektivo di historia di sklabitut, kultura di rekuerdo, historia kolonial, edukashon, komunikashon, finansa i kultura i tur idioma rekonosé den Reino Hulandes i Sürnam ta representá denter di e komité.

E komité tin intenshon di mantené kontakto konstante i intensivo ku e generashonnan mas yòn, ku atenshon spesial pa esnan ku ta aktivamente enbolbí ku e tema di pasado di sklabitut. Lo enbolbí e generashonnan aki aktivamente den e aktividat- i trabounan di e komité. Mester kaba di formulá kon presis esaki lo sosodé.

E gobièrnunan ta nominá e miembronan, pero e miembronan no tin obligashon di responsabilisashon na e gobièrnunan aki. Nan ta operá legalmente sin mandato òf konsulta i ta spera di aktua na interes di e komité i e asignashon den su totalidat.

E komité mester reuní por lo ménos 4 bia pa aña, di kua por lo ménos un bia físikamente. E komité mes ta disidí tokante di e frekuensia. E espektativa ta ku e komité, sigur den komienso, lo reuní mas ku 4 bia pa aña.

E Tim di Programa ta kai bou di e ministerio di Asuntunan Interior i e komité ta kompletamente independiente, sin ningun direkshon polítiko.

Nò, e komité no tin un obligashon di responsabilisashon na e minister. Si ta asina ku e minister ta nombra un konsehero ofisial. E konsehero aki por asistí na e reunionnan di e komité i tambe por duna konseho. E konsehero a keda nombrá pa yuda e komité den su relashon ku entre otro gobièrnu sentral i polítika.

Tuma kontakto ku nos

Bo ke mas informashon tokante di e Komité di Konmemorashon di Pasado di Sklabitut, nos mishon òf kon bo por apliká pa sosten finansiero? Tuma kontakto ku nos. Pa pregunta tokante di e parti Karibense di Reino òf di Hulanda, por tuma kontakto ku nos via e siguiente kanalnan: 

Adrès

Parti Karibense di Reino
Bèlvedèrestraat 43-45,
Otrobanda, Kòrsou

Hulanda
Zeestraat 85
2518 AA, Den Haag

Email

Pa kualke pregunta òf remarke, tuma kontakto ku nos via e-mail dor di primi e boton aki.

Telefòn

Kòrsou
+5999 465 1106

Yama nos

Laga nos ta bon antepasado
pa futuro generashonnan.