Proyekto i plan
Proyektonan andando
Filters
-
Atenshon pa hóben
Hóbennan ta hunga un ròl vital pa tene historia bibu i forma un futuro hustu.
Plan di maneho
Komité di Konmemorashon Pasado di sklabitut ta aktivo den hinter Reino i ta tene kuenta ku e konteksto úniko di kada parti di Reino. E ta sostené inisiativanan i aktividatnan ku ta dirigí riba konmemorashon, selebrashon i e impakto duradero di e historia. Nos ta hasi esaki dor di fortifiká inisiativanan eksistente.
Na 2025 e Komité lo dirigí su mes prinsipalmente riba dos evento importante den parti Karibense di Reino:
Konmemorashon di 230 aña di e lantamentu di personanan sklabisá na Kòrsou;
Un kampaña di konsientisashon pa amplia e kombersashon di ken nos ta i kiko nos ta kapas di dje.
Ademas, e komishon ta trahando riba vários proyekto—tantu entre islanan, komo spesífiko pa isla—enfoká riba konmemorashon, selebrashon i impakto duradero. Por ehèmpel, nos a organisá un tayer di kontamentu di historia visual i un tayer di flèktumentu, i nos a habri e eksposishon “NOS: Kaminda pasado i presente ta topa”. Aktualmente, un proyekto ta andando na vários skol i tin un inisiativa intergenerashonal.
Kurashi: un himno pa 400 aña di kurashi, resiliensia i orguyo
E Komité di Konmemorashon di Pasado di Sklabitut a wòrdu establesé ku un mishon kla: pa hasi e historia di sklabitut i e resiliensia di nos hendenan visibel, tangibel i palpabel – ku konmemorashon, fortifikashon i konekshon komo pilarnan sentral. E aña aki ta marka un krusada históriko: komienso di un movementu:
Un organisashon ku ta fungi komo un katalisadó, ku ta enkurashá hende i organisashonnan riba e seis islanan pa konta nos mes historia – pafó di un lens òf narativo Oropeo.
Sentral den e mishon aki ta e forsa di nos antepasadonan.
Nan kurashi — òf #kurashi, #courage, #moed — ta sigui biba den kada un di nos.
Dikon #kurashi / #courage / #lef?
E kampaña aki ta tokante mas ku djis konmemorá. E ta un revaluashon di nos forsa, nos kurashi, nos herensia.
Pa kuater siglo, nos antepasadonan — bou di kondishonnan inhumano — a resistí opreshon.
Nan kurashi ta nos herensia. #kurashi, #courage, #moed a bira e nòmber kolektivo pa e spiritu resiliente aki. E mester bira un movementu ku ta konektá generashonnan i ta empoderá komunidatnan pa keda fiel na nan mes i sigui desaroyá — orguyoso, liber i konsiente.
