Reino Hulandes

Reino Hulandes ta konsistí di kuater pais: Hulanda, Aruba, Curaçao, i Sint Maarten, i e munisipionan spesial di Boneiru, Sint Eustatius, i Saba. Huntu, nan ta forma un solo entidat polítiko, kada un ku su propio responsabilidatnan i un historia kompartí.
E historia kompartí aki ta estrechamente ligá ku e historia di sklabitut. For di e komèrsio di sklabitut transatlántiko te na su abolishon na 1863, su rastronan i konsekuensianan ta visibel den henter Reino. Nan ta sigui biba den komunidatnan, historianan, strukturanan sosial i e debate públiko.

Komishon i Partnernan

E Komité di Konmemorashon Pasado di Sklabitut ta trese representantenan dediká for di den Reino kompletu huntu i ta uni diferente bos di Hulanda Oropeo i e área karibense. E Komité ta operá independientemente di influensia polítiko i ta ofresé un plataforma pa inisiativanan lokal, diálogo intergenerashonal i konmemorashon inklusivo.

E Komité i su partnernan ta uni pa un meta kompartí: honra e pasado di sklabitut pa medio di konmemorashon signifikante, rekonosementu i edukashon—ku espasio pa mas bos, eksperensia i futuro. Sea ku ta trata di konmemorashon nashonal, inisiativa lokal of eksposishon nobo manera e eksposishon dirigí pa AI na Kòrsou, e kolaborashon aki ta representá tantu rekuerdo komo kambio aktivo. E Komité ta traha hopi di aserka ku partnernan importante ku ta fortitfiká nos mision:

Filters

1-3 of 3 results

Organisashonnan lokal i komunidatnan

E Komité ta bai den diálogo direkto ku komunidatnan lokal i organisashonnan kultural den henter Reino. Esaki ta enserá kolaborashon tantu na nivel di isla komo na nivel di Reino, ankrá den e storianan úniko i tradishonnan di kada region.
Ministerionan di Reino

A establesé e fundashon komo resultado di e diskulpanan ofisial di gobièrnu hulandes pa e pasado di sklabitut, sostené pa Ministerio di Asuntonan Interno i Relashonnan den Reino, den konsulta ku e ministerionan di Asuntunan Eksterior i Enseñansa, Kultura i Siensia.
NiNsee (Instituto Nashonal di Pasado di Sklabitut i Herensia Hulandes)

E instituto nashonal ta traha man den man ku e Komité pa organisá e Konmemorashon Nashonal di Pasado di Sklabitut riba 1 di yüli na Amsterdam. Tin un koordinashon konhunto ofisialmente establesé ku lo kontinuá por lo menos te 2027.

Keti Koti i Dia di Emansipashon

Keti Koti, ku ta nifiká kibra kadena na Sranantongo, ta e konmemorashon i selebrashon anual di abolishon di sklabitut riba 1 di yüli 1863 na Sürnam i parti Karibense di Reino.

Durante e konmemorashon aki nos ta rekordá e miónes di personanan sklabisá ku a sufri bou di opreshon kolonial. Alabes nos ta rekordá i selebrá nan resistensia i resiliensia.

Na mes momento, Keti Koti tambe ta un selebrashon di libertat i sobrebibensia kultural a traves di músika, baile, kontamentu di historia, ritualnan i solidaridat. E ta un dia di rekonosementu, sanashon i konekshon entre generashonnan. Keti Koti ta rekordá nos ku libertat nunka mester wòrdu konsiderá komo algu opvio i ku nos ta kolektivamente responsabel pa un futuro hustu.

Konmemorashon di Tula

Riba 17 di ougùstùs ta konmemorá e lantamentu di 1795, dirigí pa Tula, e lider di e rebelion di personanan sklabisá di mas grandi na Kòrsou. Tula a lucha pa libertat, igualdat i humanidat—balornan ku na final a e la entregá su bida p’e. Despues di simannan di resistensia, a kapturá, torturá i asesiná Tula riba 3 di òktober 1795.

Pa hopi tempu a hasi manera kos ku su resistensia no a tuma lugá, pero Tula ta sigui biba komo un símbolo di e lucha kontra inhustisia. Na 2010, Tula a keda rekonosé komo un héroe nashonal di Kòrsou. Na 2023, el a wòrdu rehabilitá ofisialmente pa gobièrnu hulandes.

E konmemorashon, konosí komo Dia di Tula, ta un momentu di reflekshon, orguyo i rekonosementu. E konmemorashon ta tuma lugá na Kòrsou i na Hulanda ku charlanan, músika, ritualnan i edukashon. Tula su herensia ta kòrda nos riba e poder di resistensia i e importansia di libertat.

Dia di Marron

Anualmente ta selebrá Dia di Marron riba 10 di òktober. Riba e dia aki ta duna homenahe na e komunidatnan Marron na Sürnam i Guayana Franses. E dia aki ta marka e tratadonan di pas históriko entre e tribunan Marron i e gobièrnu kolonial hulandes, ku a kuminsá na aña 1760.

Ta trata di un dia di konmemorashon i selebrashon di libertat, resistensia i kontinuidat kultural. Pa medio di baile, músika, charlanan i ritualnan tradishonal ta konmemorá e resiliensia di e antepasadonan Marron i nan herensia.

Desde 2015 ta rekonosé e kultura Marron komo herensia kultural inmaterial di Hulanda. Anualmente ta selebrá e dia signifikante aki den siudatnan manera Amsterdam, Rotterdam, Tilburg i Den Haag. Dia di Marron ta para pa orguyo, union i e poder di konmemorá.