Proyecto y plan
Proyectonan andando
Filters
-
Atencion pa hoben
Hobennan ta hunga un rol vital pa tene historia bibo y forma un futuro husto.
Plan di maneho
Comite di Conmemoracion Pasado di sclavitud ta activo den henter Reino y ta tene cuenta cu e contexto unico di cada parti di Reino. E ta sostene iniciativanan y actividadnan cu ta dirigi riba conmemoracion, celebracion y e impacto duradero di e historia. Nos ta haci esaki door di fortifica iniciativanan existente. Na 2025 e Comite lo dirigi su mes principalmente riba dos evento importante den parti Caribense di Reino:
Conmemoracion di 230 aña di e lantamento di personanan sclavisa na Corsou;
Un campaña di conscientisacion pa amplia e combersacion di ken nos ta y kico nos ta capaz di dje.
Ademas, e comite ta trahando riba varios proyecto – tanto entre islanan, como specifico pa isla – cu enfoke riba conmemoracion, celebracion y impacto duradero. Por ehempel, nos a organisa un workshop di contamento di historia visual y un workshop di vlechtmento, y nos a habri e exposicion “NOS: Caminda pasado y presente ta topa”. Actualmente, un proyecto ta andando na varios scolnan y tin un iniciativa intergeneracional.
Kurashi: un himno pa 400 aña di curashi, resiliencia y orguyo
E Comite di Conmemoracion di Pasado di Sclavitud a wordo estableci cu un mision cla: pa haci e historia di sclavitud y e resiliencia di nos hendenan visibel, tangibel y palpabel – cu conmemoracion, fortificacion y coneccion como pilarnan central.
E aña aki ta marca un crusada historico: comienso di un movecion:
Un organisacion cu ta fungi como un catalisado, cu ta curasha hende y organisacionnan riba e seis islanan pa conta nos mes historia – pafo di un lens of narrativo Europeo.
Central den e mision aki ta e forsa di nos antepasadonan. Nan curashi — of #kurashi, #courage, #moed — ta sigui biba den cada un di nos.
Dicon #kurashi / #courage / #lef?
E campaña aki ta tocante mas cu djis conmemora. E ta un revaluacion di nos forsa, nos curashi, nos herencia.
Pa cuater siglo, nos antepasadonan – bou di condicionnan inhumano – a resisti oprecion. Nan curashi ta nos herensia.
#kurashi, #courage, #moed a bira e nòmber kolektivo pa e spiritu resiliente aki. E mester bira un movecion cu ta conecta generacionnan y ta empodera comunidadnan pa keda fiel na nan mes y sigui desaroya – orguyoso, liber y consciente.
