Resolucion di Nacionnan Uni – Reaccion official

E Comite di Conmemoracion Pasado di Sclavitud ta profundamente conmovi pa e reconocemento di Nacionnan Uni di e comercio di catibo transatlantico como e pio crimen contra humanidad di tur tempo. Pa descendientenan y comunidadnan afecta, e resolucion ta confirma un realidad historico cu pa generacionnan a wordo carga, expresa y transmiti.

“E resolucion ta indica claramente cu e historia di sclavitud no ta tras di lomba,” Astrid Elburg, presidente di e Comite di Conmemoracion Pasado di Sclavitud, ta bisa. “E reconocemento di e historia aki ta compana pa conscientisacion historico, claridad moral y pasonan concreto pa sanacion (healing). E hecho cu Hulanda a abstene di vota riba e resolucion aki ta conta na un momento cu comunidad internacional ta exspresando e gravedad di e historia aki. Esaki ta pidi pa curashi, y no duda.”

Pa e Comite di Conmemoracion, e resolucion aki ta un yamada pa tuma mas pasonan: den reconocemento, den conscientisacion historico y pa sanacion. Sanacion ta rekeri espacio pa berdad, pa dignidad y pa e voznan di komunidadnan cu pa decadanan a wordo margina.

Nos ta keda empeña nos esfuervo pa no solamente un cultura di recuerdo cu ta conmemora, pero tambe ta move den direccion di husticia y un futuro den cua ta realisa e sanacion di dignidad, incluso pa futuro generashonnan.