Resolushon di Nashonnan Uni – Reakshon ofisial

E Komite di Konmemorashon Pasado di Sklabitut ta profundamente konmovi pa e rekonosementu di Nashonnan Uni di e komersi di katibu transatlantico komo e pio krimen kontra humanidat di tur tempu. Pa desendiente- i komunidatnan afecta, e resolushon ta konfirma un realidat historico ku pa generashonnan a karga, expresa i transmiti.

“E resolushon ta hasi bon kla ku e historia di sklabitut no ta tras di lomba,” Astrid Elburg, presidente di e Komite di Konmemorashon Pasado di Sklabitut, ta bisa. “E rekonosementu di e historia aki ta compana pa konsientisashon historico, klaridat moral i pasonan konkreto pa sanashon (healing). E echo ku Hulanda a abstenedi vota riba e resolushon aki ta konta na un momentu ku komunidat internashonal ta expresando e gravedat di e historia aki. Esaki ta pidi pa kurashi, i no duda.”

Pa e Komite di Konmemorashon, e resolushon aki ta un yamada pa tuma mas paso: den rekonosementu, den konsientisashon historico i pa sanashon. Sanashon ta requeredi espacio pa berdat, pa dignidat i pa e bosnan di komunidatnan ku pa dekadanan a margina.

Nos ta keda empeña nos esfuervo pa no solamente un kultura di rekuerdo ku ta konmemora, pero tambe ta move den direkshon di hustisia i un futuro den kua ta realisa e sanashon di dignidat, inkluso pa futuro generashonnan.