Finansiamentu pa proyektonan

Apliká pa sosten finansiero pa bo proyekto

Bo ta trahando riba un proyekto ku ta kontribuí na konmemorashon i konsientisashon di e pasado di sklabitut? Komité di Konmemorashon Pasado di Sklabitut ta kontentu di sostené inisiativanan ku ta kompartí historianan, ta konektá i ta tene rekuerdonan bibu.

Pa wak si bo proyekto ta eligibel, kuminsá ku un lista di kòntròl kòrtiku. Si bo inisiativa ta kumpli ku e rekisitonan, bo por download, yena i entregá e formulario di aplikashon mesora.

Puntonan di guia pa sosten finansiero

Wak den e formulario aki bou pa tur e puntonan di guia, inkluso un lista di kontròl kòrtiku i kon pa hasi petishon pa sosten finansiero pa bo proyekto.

Entregá e formulario di aplikashon

Di e manera aki, nos ta krea espasio huntu pa proyektonan balioso ku ta konmemorá e historia di sklabitut i enrikesé futuro.

Preguntanan general

Hasi historia visibel, pas’é pa otro.
Areglo pa un kontribushon finansiero di e Komité di Konmemorashon Pasado di Sklabitut.

Si, tin vários areglo relashoná ku pasado di sklabitut hulandes, manera e areglo di gobiernu di Reino pa kua a apartá 200 mion euro i e areglo for di e espasio liber di e Komité di Konmemorashon Pasado di Sklabitut. Nan ta dos diferente areglo.

E pasado sklabitut ainda ta laga markanan profundo profundo den e sosiedat di awendia. Pa e motibu ei, e minister di Asuntunan Interno i Relashonnan den Reino a disidí pa pone e areglonan di supsidio disponibel pa Inisiativanan Sosial di pasado di sklabitut transatlántiko pa Hulanda oropeo (SUMS-NL). Ku e areglo aki, ta invertí un total di 200 mion euro den inisiativanan ku ta kontribuí na konsientisashon, prosesamentu, konmemorashon i rekonosementu di e pasado di sklabitut.

A establesé e Komité di Konmemorashon Pasado di Sklabitut komo resultado di e rapòrt Kadenanan di Pasado di e Grupo di Diálogo Pasado di Sklabitut. E fundamentu ta parti di e asina yama ‘proseso despues di e kòma’ ku a kuminsá despues di e diskulpa di gobièrnu hulandes (2022) pa su ròl den pasado di sklabitut. E Komité di Konmemorashon Pasado di Sklabitut ta haña un supsidio anual di 8 mion euro. For di e espasio liber den e presupuesto, ta pone sèn disponibel pa inisiativanan for di e komunidat ku ta kontribuí na konsientisashon, konmemorashon, selebrashon i investigashon relashoná ku pasado di sklabitut.

E Komité di Konmemorashon Pasado di Sklabitut ta okupá su mes, den henter Reino hulandes, ku e siguiente temanan:

Konsientisashon di e ròl di Hulanda den e sklabitut transatlántiko i e efekto di esaki den e presente;
Konmemorashon di pasado di sklabitut hulandes den henter Reino hulandes
Selebrashon den henter Reino hulandes di abolishon di sklabitut den Reino hulandes;
Investigashon tokante e Pasado di sklabitut hulandes i su influensia den e presente.

E Komité di Konmemorashon Pasado di Sklabitut ta pone medio finansiero disponibel pa duna sosten na organisashon- i inisiativanan den henter Reino, ku ta desaroyá proyekto i programa relashoná ku pasado di sklabitut hulandes. Nos ta duna espasio na inisiativa ku ta kontribuí na konmemorá, konektá i konsientisashon, ku atenshon spesial e aña aki pa interkambio intergenerashonal.

Ku e sosten finansiero ku ta na kaminda, e Komité ke duna mas organisashon oportunidat pa konta nan storia i fortifiká nan komunidat. Si ta trata di un proyekto chikí den bario, un programa edukativo na skol òf un evento di konmemorashon grandi pa e región: gustosamente nos ta invitá organisashonnan pa entregá nan plan.

Bo por pidi sosten pa proyektonan ku ta kuadra ku e meta- i temanan di e Komité di Konmemorashon Pasado di Sklabitut

Pa hasi un petishon, bo mester kumplí ku e siguiente kondishonnan:

Parti karibense di Reino

Eenmanszaak

Bo ta aktivo den e sektor kultural.
Bo aktividatnan ta kuadra ku e meta- i temanan di e Komité di Konmemorashon.
Bo ta pidi un máksimo di USD 5.000,- Pasado di sklabitut
Bo ta establesé na Aruba, Boneiru, Kòrsou, Saba, Sint Eustatius òf Sint Maarten.
Bo aktividatnan ta tuma lugá den e parti karibense di Reino
Bo no tin niun proyekto aktual ku ta finansiá pa Komité di Konmemorashon.
Bo a haña ménos ku tres proyekto finansiá pa e Komité e aña aki.

Entidatnan legal

Bo ta un organisashon (entidat legal) sin meta di hasi ganashi.
Bo aktividatnan ta kuadra ku e meta- i temanan di e Komité di Konmemorashon.
Bo ta pidi un máksimo di USD 50.000,- Pasado di sklabitut
Bo ta establesé na Aruba, Boneiru, Kòrsou, Saba, Sint Eustatius òf Sint Maarten.
Bo aktividatnan ta tuma lugá den e parti karibense di Reino.
Bo no tin niun proyekto aktual ku ta finansia pa e Komité.
Bo a haña ménos ku tres proyekto finansiá pa e Komité e aña aki.

Hulanda oropeo

Eenmanszaak

Bo ta aktivo den e sektor kultural.
Bo aktividatnan ta kuadra ku e meta- i temanan di e Komité di Konmemorashon.
Bo ta pidi un máksimo di € 5.000,-
Bo ta establesé na Hulanda oropeo.
Bo aktividatnan ta tuma lugá na Hulanda oropeo.
Bo no tin niun proyekto aktual ku ta finansia pa e Komité.
Bo a haña ménos ku tres proyekto finansiá pa e Komité e aña aki.

Entidatnan legal

Bo ta un organisashon (entidat legal) sin meta di hasi ganashi.
Bo aktividatnan ta kuadra ku e meta- i temanan di e Komité di Konmemorashon.
Bo ta pidi un máksimo di € 50.000,- Pasado di sklabitut
Bo ta establesé na Hulanda oropeo.
Bo aktividatnan ta tuma lugá na Hulanda oropeo.
Bo no tin niun proyekto aktual ku ta finansia pa e Komité.
Bo a haña ménos ku tres proyekto finansiá pa e Komité e aña aki.

Si bo no ta kumpli ku un di e kriterionan aki, lamentablemente bo no ta elegibel pa un kontribushon di e Komité di Konmemorashon Pasado di Sklabitut.

E espasio liber di e Komité di Konmemorashon Pasado di Sklabitut ta varia kada aña. Den 2025 ta € 1,2 mion euro.

Bo por pidi un kontribushon pa un máksimo di € 50.000. Tin tres kategoria, basá riba e montante di e kontribushon. Pa kada kategoria por hasi petishon pa otro tipo di proyekto.

Kategorianan :

Te € 5.000,-
- E petishonario ta entidat legal sin meta di hasi ganashi òf un negoshi di un solo persona (eenmanszaak) den e sektor kultural.
- E proyekto ta chikí ku un presupuesto total máksimo di € 20.000,-
€5.000,- te €25.000 ,-
- E petishonario ta un entidat legal sin meta di hasi ganashi.
- I/òf e proyekto tin un alkanse lokal (den un bario òf siudat na Hulanda oropeo)
€ 25.001 te € 50.000

E petishonario ta un entidat legal sin meta di hasi ganashi.
E proyekto ta realisá pa dos òf mas organisashon ku ta traha huntu (sin meta di hasi ganashi).
I/òf e proyekto tin un alkanse regional (área di siudat, provinsia, nashonal, riba henter e isla, mas ku un isla)

Periodo di tempu??

Petishon pa sosten pa e parti karibense di Reino mester entregá na dòler merikano i tambe ta paga esaki na dòler merikano.
Petishon pa sosten pa e parti oropeo di Reino mester entregá na Euro i tambe ta paga esaki na Euro.

Si bo organisashon tin obligashon pa paga BTW, bo mester entregá un presupuesto sin BTW. Si bo organisashon no tin obligashon pa paga BTW, bo mester entregá un presupuesto ku BTW. Menshoná semper den bo presupuesto si e ta inkluí òf ekslluí BTW i si bo tin obligashon pa paga BTW.

Bo por pidi un kontribushon pa un máksimo di € 50.000.

Nos ke yuda mas tantu inisiativa posibel. Bo por solamente hasi un petishon kada biaha.

Bo por entregá un petishon den ingles, hulandes, papiamento i papiamentu. E formulario di petishon ta disponibel den tur e idiomanan aki.

Ta trata di un sosten di un solo biaha pa e aktividatnan menshoná den e petishon.

Bo por inkluí gastunan ku ta direktamente relashoná ku bo aktividat. Ehempel: hür di esenario, kompensashon pa artista, zonido, promoshon, catering, pèrmit, kompensashon pa boluntario. Máksimo 10% di e presupuesto por ta gastu di operashon/gastu di ‘overhead’. Bo mester splika dikon e gastunan aki ta relashoná ku e proyekto.

Un proyekto ku ta yega un bario òf un siudat, pa e hende ku ta biba den e bario, e siudat òf un parti di e siudat.

Petishon i evaluashon

E formulario di petishon ta publiká komo PDF riba e wepsait di Komité di Konmemorashon.

Bo ta manda e formulario yená kompletamente i firmá huntu ku e aneksonan pidí na
Parti karibense di Reino: info.carib@hc-slv.org
Hulanda oropeo: info.nl@hc-slv.org

Bo mester entregá e petishon promé ku 31 di òktober 2025.

Bo ta haña un konfirmashon despues ku bo a entregá bo petishon. Lo bo risibí un kontesta promé ku 30 di novèmber 2025, ku sea:

un aprobashon (nos ta bai duna bo sosten finansiero);
un pregunta pa informashon adishonal (nos ke sa mas promé, promé ku nos aprobá òf rechasá bo petishon);
un rechaso ku splikashon (nos no ta bai duna bo sosten finansiero).

Bo ta manda e siguiente dokumentonan na nos.

Un formulario di petishon yená kompletamente i firmá. ¹
Un plan di proyekto ku kontenido
Un resúmen di e gastunan ku mester hasi (presupuesto)
Un anekso na e presupuesto, kaminda bo ta duna splikashon tokante e diferente pòstnan;
E statutonan di bo organisashon;
Un ekstrakto di Kámara di Komèrsio i
Un prueba ku e number di kuenta ta na nòmber di e organisashon ku ta hasi e petishon, por ehèmpel. un ekstrakto di banko òf un potrèt di karchi di banko.

Pa un petishon mas haltu ku € 25.000,-:

Tur dokumento menshoná.
Un rapòrt supstansial i un resúmen finansiero di un proyekto anterior òf un rapòrt supstansial i finansiero anual di e aña mas resiente di e petishonario prinsipal.

¹ Atenshon: e formulario ta firmá pa un persona ku tin e outorisashon. Ken e persona aki ta, ta pará den bo statutonan òf den bo ekstrakto di e Kámara di Komèrsio. Si e firmante tin outoridat konhunto, e petishon mester ta firmá pa por lo ménos dos persona outorisá.

Lo bo risibí un pago adelantá ora bo proyekto kuminsá . Pa esaki, bo ta entregá un petishon serka nos ku bo presupuesto definitivo. Kuantifikashon di e pago adelantá ta dependé di e montante ku a pidi:

Pa un petishon te ku € 10.000,-: bo ta risibí e montante kompleto na komienso di e proyekto;
Pa un petishon mas haltu ku € 10.000,-: bo ta risibí un pago adelantá di 75%. Bo ta haña restu di e montante asigná na mitar di bo proyekto.

Ta evaluá bo petishon a base di e siguiente kriterionan:

Eksperensia di e organisashon ku e tema di pasado di sklabitut;
Eksperensia di e organisashon ku e grupo di enfoke deskribí;
Relevansia di e proyekto pa e kontenido di e areglo;
Impakto di e proyekto riba desendiente di esnan sklabisá;
Kualidat artístiko i/o di kontenido di e proyekto;
Kalidat di e ekipo;
Faktibilidat finansiero;
Embolbimentu di desendiente di esnan sklabisá den ehekushon di e proyekto;
Sostenibilidat i garantia di e resultadonan di e proyekto.

Promé, e asistentenan di petishon ta hasi un pre-check. Despues un komishon di empleado di maneho di e Komité di Konmemorashon ta evaluá. Pa montante mas haltu ku € 10.000, un di dos empleado tambe ta lesa. E DB (direktiva diario) ta tuma e desishon definitivo.

Un resúmen di e gastunan ku mester hasi* ta kontené tur e gastunan ku bo ta spera pa hasi, estimashon realístiko basá riba:

Un oferta;
Un proyekto anterior ku bo a hasi;
Un tarifa pa ora/dia multipliká ku e kantidat di ora òf dia ku bo kontratá e persona òf servisio.

Bo presupuesto no por kontené mas ku 10% di gastu di operashon, ku ta relashoná ku e aktividatnan di proyekto. Mester splika e gastunan aki hopi bon.

Gastu di ‘overhead’ relashoná ku proyekto, por ehèmpel atministrashon òf koordinashon, basta ku nan ta bon fundá. No ta tur kos ta permití:lo ekskluí gastu ku no por proba di ta ligá direktamente ku e aktividat

E 10% ta den e montante ku a pidi. Bo por reservá un máksimo di 10% di e montante ku bo a pidi pa maneho di negoshi.

Nos ta solamente duna sosten na petishon di organisashon sin meta di hasi ganashi.

Tur hende por entregá un petishon. Nos ta deseá di sa kuantu eksperensia e petishonario tin ku e tema di pasado di sklabitut òf ku e grupo di enfoke ku nan ke sirbi ku nan proyekto.

Aktividatnan

E areglo aki ta destiná pa un amplio sortido di aktividat ku tin relashon ku e pasado di sklabitut i su efektonan. Bou di esaki por konsiderá por ehèmpel aktividatnan manera (pero no limitá na)

Konmemorashon i selebrashon di dianan di konmemorashon importante diferente for di 1 di yüli.
Programa di konsientisashon pa i ku grupo di enfoke
Proyekto di investigashon ku ta tira lus riba historia di sklabitut di Hulanda i/o su efektonan.
Aktividat kultural i artístiko ku ta hasi storia i herensia visibel
Proyekto ku ta kolektá i transmití kuenta i konosementu di e Kua aktividat por entregá?
E areglo aki ta destiná pa un amplio sortido di aktividat ku tin relashon ku e pasado di sklabitut i su efektonan. Bou di esaki por konsiderá por ehèmpel aktividatnan manera (pero no limitá na)
Konmemorashon i selebrashon di dianan di konmemorashon importante diferente for di 1 di yüli.
Programa di konsientisashon pa i ku grupo di enfoke
Proyekto di investigashon ku ta tira lus riba historia di sklabitut di Hulanda i/o su efektonan.
Aktividat kultural i artístiko ku ta hasi storia i herensia visibel.
Proyekto ku ta kolektá i transmití kuenta i konosementu di e generashon mayó na hubentut.

Mester realisá e aktividat den e periodo ku ta indiká den e petishon. Bo proyekto mester ta kla pa 31 di desèmber 2026. Pa proyekto mas grandi por desviá di esaki. Pa mas tardá seis (6) siman despues ku e periodo a kaba, e rapòrt final mester ta entregá.

Responsabilisashon i progreso

Pa mas tardá seis (6) siman despues ku e aktividat a kaba, mester entregá un rapòrt final ku potrèt i un rapòrt finansiero.

Pa proyekto te 5.000 mester manda bòn i resibu.
Pa kantidat mas haltu, nos ta spera ademas di e bònnan un resúmen finansiero kompleto.

Kontenido di e rapòrt final:

Rapòrt final supstansial (2–4 página)
Minimal 3 potrèt + 1 video kòrtiku
Rapòrt finansiero inkl. bònnan/prueba

Bo por semper tuma kontakto ku nos si bo tin kualke pregunta. E mihó ta pa bo manda un meil.

Hulanda oropeo: info.nl@hc-slv.org
Parti karibense di Reino: info.carib@hc-slv.org

Otro preguntanan

Den bo rapòrt final, bo ta splika kiko bo plan tabata di hasi i kiko bo a hasi presis. Si tin un diferensia, splika dikon. Bo ta konta tambe kiko e partisipantenan a bisa tokante bo aktividat i kon nan a eksperensiá esaki.

Pues ta importante pa bo pensa adelantá riba e manera kon bo ke evaluá bo proyekto ku bo partisipantenan.

Bo mester realisá bo aktividatnan den mesun parti kaminda bo ta establesé. Pues: establesé den parti karibense → aktividatnan ta realisá den parti karibense; establesé den parti oropeo → aktividatnan ta realisá den parti oropeo. Sino, bo no ta elegibel pa finansiamentu pa e Komité di Konmemorashon.