Hóbennan ta imortalisá e storia di Boneiru

Den e último lunanan, na Boneiru a kuminsá e prome edishon di e ‘Content Creation Bootcamp’: un trayekto intensivo den kua hóbennan ta siña imortalisá e storianan di nan isla. Diesocho (18) alumno di skol sekundario, ekipá ku kámara, mikrofon i prinsipalmente ku preguntanan kurioso i habrí, a traha aya ku profeshonalnan lokal.

Loke a keda transmití di generashon pa generashon den sala di kas i den kurá, ta risibí un forma narativo nobo di un generashon hoben di kreador. Durante seis (6) siman, e grupo a kore rònt di e isla papiando ku e ansianonan, investigando ritualnan i dokumentando tradishonnan ku hopi biaha ta keda solamente oralmente. ‘San Juan i San Pedro, Karnaval, Regata, Dia di Rincon, Barí i Maskarada’. Tur e temanan ku ta profundamente ankrá den historia di Boneiru.

E primavera aki e ‘bootcamp’ ta sigui. Na mart, ta kuminsá un kolaborashon ku ‘Moon25 Pictures’ na Kòrsou. Mas despues lo sigui un edishon na Aruba.